Rusiyalı senatorlar Türkiyə ilə çətin dövrlərdə sübut olunmuş qarşılıqlı hörmətə əsaslanan münasibətləri və ikitərəfli əməkdaşlığın artırılmasında türk tərəfdaşlarının mövqeyini yüksək qiymətləndirirlər. Bunu Federasiya Şurasının sədri Valentina Matvienko Türkiyə Böyük Millət Məclisinin (TBMM) sədri Numan Kurtulmuşla görüşündə deyib.
“Biz sizin şəxsi mövqeyinizi, türkiyəli tərəfdaşlarımızın Rusiya ilə müxtəlif sahələrdə əməkdaşlığın genişləndirilməsi lehinə mövqeyini yüksək qiymətləndiririk və sizin hazırkı səfəriniz də bunun təsdiqidir”, – deyə Federasiya Şurasının sədri bildirib.
O qeyd edib ki, Türkiyə Rusiyanın yaxşı qonşusu və mühüm tərəfdaşıdır. “Ölkənizin beynəlxalq və regional nüfuzunun son illər nə qədər artdığını görürük və əlbəttə ki, Türkiyə ilə çətin vaxtlarda sübut olunmuş, deyərdim ki, qarşılıqlı hörmətli münasibətlərimizi, çoxşaxəli iqtisadi və humanitar tərəfdaşlığımızı yüksək qiymətləndiririk. ” Matvienko vurğulayıb.
Federasiya Şurasının rəhbəri iki ölkə arasında münasibətlərin ilk növbədə Rusiya və Türkiyə liderlərinin səyləri sayəsində möhkəmləndiyi və genişləndiyinə də diqqət çəkib. “Dövlətlərimizin başçıları arasında siyasi əlaqələr böyük əhəmiyyət kəsb edir, onların dinamikası son dərəcə yüksəkdir. dövlət başçıları səviyyəsində əldə olunan nailiyyətlərdir”, – deyə o bildirib. (Tass)