Türkiyənin xarici işlər naziri Hakan Fidan ABŞ dövlət katibi Marko Rubio ilə telefonda Ukraynadakı nizamlanma, Suriya və Qəzza zolağındakı vəziyyəti müzakirə edib. Bu barədə Türkiyə Xarici İşlər Nazirliyindəki mənbələr məlumat verib.
“İstanbulda Rusiya və Ukrayna arasında potensial danışıqlara dair fikir mübadiləsi aparılıb. Həmçinin ikitərəfli məsələlər və regional problemlər, o cümlədən Suriya və Qəzza müzakirə olunub. Nazir Suriyanın sabitliyi və rifahı üçün ona qarşı sanksiyaların ləğvinin vacibliyini vurğulayıb”, – mənbələr qeyd ediblər.
Tərəflər həmçinin Rubionun NATO xarici işlər nazirlərinin mayın 14-15-də Antalyada keçiriləcək qeyri-rəsmi görüşündə iştirak etmək üçün Türkiyəyə səfərinin detallarını müzakirə ediblər. (Tass)