Suriya Türkiyə ilə münasibətlərin normallaşması prosesinə hazır deyil, Türkiyənin xarici işlər naziri Hakan Fidan bildirib.
“Prezidentimiz [Rəcəb Tayyib Ərdoğan] bu məsələ ilə bağlı mühüm təkliflə çıxış edib. Lakin Suriya tərəfi buna hazır görünmür və prosesin özü ilə bağlı bəzi məsələləri çox müzakirə etməyə hazır deyil”, – Fidan vurğulayıb. Bu barədə “Hürriyet” qəzeti yazıb.
Onun sözlərinə görə, Bəşər Əsəd administrasiyası “müxalifətlə danışıqlara belə hazır deyil”. Bununla yanaşı, Fidan əlavə edib ki, müxalifətlə münasibətlərin tənzimlənməsi Ankaranın Dəməşqlə normallaşması üçün ilkin şərt deyil.
Rusiya ilə Amerikanın yeni administrasiyası arasında gələcəkdə Suriya üzrə dialoqun mümkünlüyü ilə bağlı sualı cavablandıran Fidan belə bir variantı qeyri-mümkün hesab etmədiyini bildirib. “Bizim üçün əsas odur ki, istənilən ssenariyə hazır olaq”. (Tass)
