Türkiyənin xarici işlər naziri Hakan Fidan təxminən 5 il əvvəl onun arsen və civə ilə zəhərlənməsinə cəhd edildiyini bildirib.
“Bu, arsen və civə ilə ağır zəhərlənmə idi. Zəhərlənmə hardasa baş verib, sonra da testlər nəticəsində aşkarlanıb. Dörd-beş il əvvəl olub”, – Fidan 24TV kanalının efirində deyib.
Nazir zəhərlənmə cəhdini kimin həyata keçirə biləcəyini açıqlamayıb. Amma o qeyd edib ki, “düşmənlər təkcə daxildə deyil, xaricdə də mövcuddur”.
Fidan 2023-cü ildə xarici işlər naziri vəzifəsinin icrasına başlayıb. Bundan əvvəl o, Türkiyənin Milli Kəşfiyyat Təşkilatına rəhbərlik edib. (Tass)