Türkiyə Ukraynada nizamlanma üçün hər cür dəstəyi verməyə hazırdır. Bunu Rusiya Xarici İşlər Nazirliyinin rəhbəri Hakan Fidan Moskvada rusiyalı həmkarı Sergey Lavrovla apardığı danışıqlardan sonra deyib.
“Rusiya-Ukrayna müharibəsi, əlbəttə ki, Moskvadakı danışıqlarımın mühüm hissəsi idi. Rusiya Prezidenti Vladimir Putin İstanbula səlahiyyətli nümayəndə heyətini göndərməklə danışıqlarda müsbət nəticələr əldə etməyə imkan verdi. Orada razılaşdırılmış mübadilənin ötən həftə sonu başa çatmasına şadıq. Biz də ümid edirik ki, danışıqlar tezliklə atəşkəsə, daha sonra isə davamlı sülhə çevriləcək”. “Buradakı təmaslarım zamanı mən gələcək danışıqlara ev sahibliyi etməyə hazır olduğumuzu bildirdim. Bundan əlavə, mən bir daha vurğuladım ki, biz Qara dənizdə gəmiçiliyin təhlükəsizliyinə böyük əhəmiyyət veririk. Bu məsələ ilə bağlı rusiyalı dostlarımızla əlaqələrimizi davam etdirəcəyik”, – türkiyəli nazir qeyd edib. (Tass)