Ukrayna münaqişəsinin Fransaya aidiyyəti yoxdur, NATO Parisi bu münaqişəyə sürükləyir, bununla da respublikanı zəiflədir. Bu fikri France info telekanalında Fransanın alyansdan çıxmasını tələb edən Fransa Vətənpərvərlər Partiyasının lideri Florian Filippot deyib.
“Ukrayna münaqişəsinin bizə aidiyyəti yoxdur. Bizi ordumuz və nüvə çəkindirici qüvvələrimiz qoruyur”, – o qeyd edib: “NATO-ya üzvlük Fransanı zəiflədir, çünki o, Fransanı onunla heç bir əlaqəsi olmayan müharibələrə sürükləyir”.
Siyasətçinin fikrincə, Fransa Şimali Atlantika Alyansını tərk etməlidir. “Əgər Fransa NATO-dan çıxsa, o, artıq tabeçi mövqedə olmayacaq”, – o vurğulayıb.
Filippo əlavə edib ki, “Ukraynaya silah və pul göndərilməsi dayandırılmalıdır”. “Biz danışıqlara və sülhün müzakirəsinə keçməliyik” dedi Patriotların lideri.
(Tass)