Vəziyyət gərginləşərsə, Finlandiya ölkənin cənubunda Birləşmiş Millətlər Təşkilatının Livandakı Müvəqqəti Qüvvələrində (UNIFIL) xidmət edən sülhməramlılarını təxliyə edə bilər. Bunu Finlandiyanın xarici işlər naziri Elina Valtonen Yle telekanalının efirində deyib.
Onun sözlərinə görə, vəziyyət gərginləşərsə, Finlandiya sülhməramlıları bölgədən təxliyə edilə bilər. “Ancaq ümid edək ki, sülhməramlılar öz missiyalarını davam etdirə biləcəklər, çünki onların bu regionda gördüyü işlər sabitliyin qorunması üçün çox vacibdir”, – nazir qeyd edib.
Yle-nin məlumatına görə, 200-ə yaxın fin sülhməramlısı BMT-nin Livandakı Müvəqqəti Qüvvələrində xidmət edir. 2024-cü ilin aprelinə olan qoşunların ümumi sayı 10541 nəfər idi. (Tass)