Finlandiya və İsveç Macarıstanda keçirilən Aİ nazirlərinin görüşlərini boykot etməyə hazırlaşır. Beləliklə, onlar Macarıstanın baş naziri Viktor Orbanın Moskvaya səfərinə görə etiraz edəcəklər, Helsingin Sanomat qəzeti mənbələrə istinadən yazır.
Finlandiya və İsveçin baş nazirləri Petteri Orpo və Ulf Kristersson iyulun 10-da bu məsələ ilə bağlı razılığa gəliblər.
Boykot iki ölkənin Avropa Şurasına sədrliyi çərçivəsində Macarıstanın ev sahibliyi etdiyi Aİ iclaslarına nazirləri göndərməyəcəyi anlamına gəlir.
Qeyd olunur ki, boykot iyul ayı boyunca davam edəcək, yəni bu ay dörd iclasa şamil edilir: ətraf mühit nazirləri, energetika nazirləri, ədliyyə nazirləri və məşğulluq və sosial məsələlər nazirləri. Daha sonra Helsinki və Stokholm “Macarıstanın hərəkətlərini qiymətləndirməyə davam edəcəklər”, bəyanatda deyilir. (Tass)