Fransanın müdafiə naziri Sebastyan Lekornu “Le Parisien” qəzetinə müsahibəsində deyib ki, Paris və Yerevan Fransa silahlarının, o cümlədən hava hücumundan müdafiə sahəsində alınmasına dair razılaşmaları rəsmiləşdirəcək. Onun sözlərinə görə, sənədlərin imzalanması bazar günü, oktyabrın 22-də baş tutacaq. Nazir vurğulayıb ki, Ermənistana mülki əhalini “müdafiə etməyə” və sərhədlərinin təhlükəsizliyini təmin etməyə imkan verilməlidir.
Sabah biz Ermənistanın fransız istehsalçılarından müəyyən miqdarda silah almasını rəsmiləşdirəcəyik, xüsusən də ölkəyə öz səmasının mühafizəsini təmin etməyə imkan verəcək müqavilə imzalayacağıq”, – Lekornu bildirib.
Oktyabrın 3-də Fransanın xarici işlər naziri Ketrin Kolonna bildirib ki, Paris planlaşdırılan dövlətlərarası sazişdə Ermənistana hərbi texnika verilməsini təsdiqləyib. Diplomatik departamentin rəhbəri Ermənistan parlamentinin BCM-nin Roma Əsasnaməsini ratifikasiya etmək qərarını da alqışlayıb. (Nevs.ru)
