Fransa Ermənistana üç hava hücumundan müdafiə radarı göndərmək niyyətindədir. Bu barədə France info radiostansiyası məlumat yayıb.
Onun sözlərinə görə, Ermənistana “250 km-ə qədər məsafədə hədəfləri aşkar edə bilən üç radar ” verilməsi planlaşdırılır. Radiostansiya qeyd edib ki, bu sistemlər pilotsuz təyyarələr kimi aşağı sürətli və alçaq uçan hədəfləri, eləcə də yüksək hündürlükdə uçan yüksək sürətli döyüş təyyarələrini aşkar edə bilir.
Parisdə Fransa hərbi departamentinin rəhbəri Sebastyan Lekornu ilə Ermənistanın müdafiə naziri Suren Papikyan arasında keçirilən görüşdə silah tədarükü ilə bağlı razılaşmalar əldə olunub. (Tass)
Oktyabrın 3-də İrəvanda keçirdiyi mətbuat konfransında Fransanın xarici işlər naziri Ketrin Kolonna Parisin hərbi yardım haqqında saziş imzalamağa hazır olduğunu bəyan edib.