Fransanın silahlı qüvvələr naziri Sebastyan Lekornu fevralın 22-23-də Ermənistana səfər edəcək. Bu barədə Agence France-Presse (AFP) məlumat yayıb.
Onun sözlərinə görə, bu səfər Fransa hərbi idarəsinin rəisinin Ermənistana ilk səfəri olacaq. AFP xəbər verir ki, eyni zamanda, səfərin əsas məqsədi “iki dövlət arasında müdafiə sahəsində əlaqələrin gücləndirilməsi” olacaq.
Qeyd edək ki, bundan əvvəl Ermənistanın Fransa radarlarının alınması ilə bağlı müqavilə imzalandığı bildirilirdi. Bundan əlavə, ölkələr Fransanın artilleriya və raket sistemlərinin ölkəyə tədarükü imkanlarına dair dialoq aparır.
Çərşənbə günü Parisdə Fransanın Müqavimət Hərəkatının erməni iştirakçısı Misak Manuşyan və onun həyat yoldaşı Melinin külünün Panteona köçürülməsi mərasimi keçirilib. Mərasimdə Fransa prezidenti Emmanuel Makron və Parisə səfərə gələn Ermənistanın baş naziri Nikol Paşinyan iştirak ediblər. (Tass)