“Le Monde” qəzeti yazır ki, Fransa hakimiyyəti xüsusi təyinatlıların və ya digər hərbi birləşmələrin Ukrayna sərhədindən keçməsinə icazə vermək imkanını nəzərdən keçirir. Onun sözlərinə görə, bu yolla Paris Moskvanın qarşısında “strateji dilemma” yaratmaq istəyir.
Qəzetin mənbələri bildiriblər ki, bu hərbi təlimçilərin potensial olaraq digər şərti birliklərlə birlikdə Ukrayna sərhədini keçməsinə icazə verilməsi ideyası fransız düşüncəsinin mərkəzindədir.
Jurnalistlər Fransanın hərbi mövcudluğunun Ukraynanın müəyyən ərazilərinin müdafiəsinin qurulmasına kömək edə biləcəyini irəli sürüblər. Həmçinin müəlliflər yazır ki, bu tədbirlə Paris Rusiya Silahlı Qüvvələrinin zərbələrini azaltmaq istəyir.
Bundan əvvəl Fransa prezidenti Emmanuel Makron Parisdə keçirilən konfransda Qərb ölkələrinin quru qoşunlarının Ukraynaya göndərilməsinin mümkünlüyünün müzakirə edildiyini, lakin orada iştirak edənlərin bu mövzuda konsensusa gəlmədiyini bildirib. (Tass)
