Avropa ölkələri Ukraynada atəşi dayandırmaqdan imtina edərsə və bu məsələdə ABŞ-dan dəstək alacağına ümid edərsə, daha bir anti-Rusiya sanksiyalar paketi tətbiq etməyi planlaşdırır. Bunu “Frans Press” agentliyinə müsahibəsində Fransa Xarici İşlər Nazirliyinin rəhbəri Jan-Noel Barro deyib.
“Biz, avropalılar, Rusiyaya qarşı 17-ci sanksiyalar paketi ilə Amerikanın bu təşəbbüsünü dəstəkləyəcəyik və dünən çərşənbə mən ABŞ senatoru Lindsey Graham qarşısında öhdəlik götürdüm ki, biz bu iki sanksiya paketinin həm mahiyyətini, həm də vaxtını koordinasiya etməyə çalışacağıq”, – Barro bildirib. (Tass)