Fransa mütəşəkkil sülh prosesinin bir hissəsi kimi vaxtı gələndə Fələstin dövlətini tanımağa hazırdır. Bunu Respublika Xarici İşlər Nazirliyinin Avropa məsələləri üzrə nazir-nümayəndəsi Jan-Noel Barrot Sud Radio radiostansiyasında deyib .
“Bu məsələdə heç bir tabu yoxdur. Fransa vaxtı gələndə mütəşəkkil və strukturlaşdırılmış sülh prosesi çərçivəsində bunu etməyə hazırdır”, – Barrot deyib.
Nazir xatırladıb ki, Fransa Fələstinin BMT-yə qəbulu ilə bağlı qətnaməni dəstəkləyib.
Cümə axşamı Birləşmiş Ştatlar BMT Təhlükəsizlik Şurasında veto hüququndan istifadə edib və Əlcəzairin Fələstinin dünya təşkilatına tamhüquqlu üzv qəbul edilməsinə dair qətnamə layihəsini bloklayıb. Rusiya və Çin də daxil olmaqla Təhlükəsizlik Şurasının 12 üzvü Fələstinin BMT-yə tamhüquqlu üzv kimi qəbul edilməsini tövsiyə edən sənədin lehinə səs verib. İsveçrə və Böyük Britaniya bitərəf qalıb, ABŞ isə qətnamə layihəsinə qarşı çıxıb.
(Tass)