Martın 12-də Fransa Milli Assambleyasında (parlamentin aşağı palatası) Paris və Kiyev arasında təhlükəsizlik sazişinin bağlanması mövzusunda debatlar keçiriləcək. Bu barədə AFP məlumat yayıb.
Müzakirədən əvvəl palatada hökumətin bəyanatı oxunacaq. Ehtimal olunur ki, debatların yekunlarına əsasən, Ukraynaya Fransadan gələcək dəstək məsələsi üzrə səsvermə keçiriləcək.
Fevralın sonunda Yelisey sarayı Fransa və Ukrayna arasında təhlükəsizlik sahəsində əməkdaşlıq haqqında ikitərəfli sazişin bağlanması məsələsi üzrə parlament müzakirələrinin hazırlandığını elan edib. Yelisey Sarayının bəyanatı bir sıra siyasətçilərin, o cümlədən “Qalx Fransa” partiyasının lideri, Milli Assambleyanın üzvü Nikolas Düpon-Aignan, senator Alen Hupert, eləcə də Vətənpərvərlər partiyasının lideri Florian Filippotun ittiham edilməsindən sonra dərc edilib. Ölkə səlahiyyətliləri, parlamenti yan keçərək bir razılaşma imzalaması səbəbiylə Konstitusiyanı pozur.
Fevralın 16-da Fransa və Ukrayna prezidentləri Emmanuel Makron və Vladimir Zelenski təhlükəsizlik sahəsində əməkdaşlıq haqqında saziş imzalayıblar. Bu saziş çərçivəsində Paris Kiyevə “əməkdaşlığın bütün aspektlərini” əhatə edəcək 3 milyard avro dəyərində əlavə hərbi yardım verməyi planlaşdırır. Bura müdafiə sənayesi, hərbi təlim, kəşfiyyat və mülki yardım sahələrində əməkdaşlıq daxildir. Sənəd imzalandıqdan dərhal sonra qüvvəyə minib və 10 il müddətində qüvvədədir. (Tass)
