Fransa Rusiyaya qarşı 18-ci sanksiyalar paketinin hazırlanmasında və qəbulunda əsas rol oynayıb. Bunu Fransa Xarici İşlər Nazirliyinin rəhbəri Jan-Noel Barro deyib.
“Bu səhər biz avropalılar Rusiyaya və onu dəstəkləyən ölkələrə qarşı görünməmiş sanksiyalar qəbul etdik. Bunda Fransa əsas rol oynadı”, – nazir X-də yazıb.
“Les Echos” iqtisadi qəzetinin Fransa Xarici İşlər Nazirliyindəki mənbələrə istinadən verdiyi məlumata görə, Barro şəxsən və Fransanın digər nümayəndələri sanksiya paketinin tərkibini fəal müzakirə ediblər və “qəbul edilmiş tədbirlərin demək olar ki, 50%-nin” tərəfdarıdırlar.
Barro həmçinin iddia edib ki, Aİ ABŞ ilə birlikdə Rusiyanı “atəşkəslə razılaşmağa” məcbur edəcək.