Avropa İttifaqı 2025-ci ilin sonunadək döyüş sursatı istehsalını ildə 2 milyon ədədə çatdıracaq.Bu barədə “Financial Times” qəzeti Avropanın müdafiə və kosmos üzrə komissarı Andrius Kubiliusa istinadən yazıb.
Onun sözlərinə görə, Rusiya Federasiyasının Ukraynada xüsusi hərbi əməliyyatı başlayandan bəri Avropanın istehsal gücü ildə 300 min mərmidən artıb və 2025-ci ilin sonuna qədər 2 milyona çatacaq.
Bundan əlavə, nəşrin yazdığı kimi, Aİ silah-sursatın birgə alınması planlarını da özündə əks etdirən Sursat Dəstəyi Aktı (ASAP) kimi 1,5 milyard avro dəyərində yeni hərbi maliyyələşdirmə proqramı üzrə danışıqlar aparır.
Kubilius qeyd edib ki, Avropa Komissiyası “digər sahələrdə istehsalı genişləndirmək üçün sənayeni stimullaşdırmaq” üçün oxşar sxemlərdən istifadə imkanlarını öyrənir. Onun sözlərinə görə, prioritet kateqoriyalar raketlər, hava hücumundan müdafiə sistemləri, artilleriya və pilotsuz təyyarələr olacaq. (Tass)