Şimali Atlantika alyansı çərşənbə günü 18 üzvünün müdafiə xərclərinin 2024-cü ildə ÜDM-in 2%-i hədəfinə çatacağını və ya onu keçəcəyini elan edəcək. Bu barədə “Financial Times” NATO-dakı mənbələrə istinadən məlumat yayıb.
“NATO müttəfiqlərinin təxminən üçdə ikisinin 2024-cü ildə 2%-lik hədəfə çatacağını gözləyir”, – mənbə bildirib.
2016-cı ildə yalnız beş alyans üzvü ÜDM-in 2%-dən çoxunu müdafiə ehtiyaclarına ayırıb. 2022-ci ilin sonunda belə ölkə 7 idisə, 2023-cü ildə bu rəqəm 11-ə çatıb.
Avropalı diplomatların nəşrə verdiyi məlumata görə, NATO ölkələrinin müdafiə xərclərinin artırılması Donald Trampın Ağ Evə qayıtmasının mümkün mənfi nəticələrini məhdudlaşdırmaq üçün nəzərdə tutulmuş strategiyanın elementlərindən biridir. Gələcəkdə alyansın diqqətinin Tramp üçün Çini cilovlamaq və terrorizmlə mübarizə kimi əsas məsələlərə yönəltmək də təklif edilir. “Hazırda [Tramp haqqında] çox danışılır. Gələcək prezident Trampla münasibət qurmağın ən yaxşı yolu nədir? Əslində, bu, yaltaqlıq və möhkəmliyin birləşməsidir”, – NATO-dan birinin yüksək səviyyəli diplomatı FT-yə bildiriblər. (Tass)