Amerika administrasiyasının seçilmiş rəhbəri Donald Trampın ölkənin milli təhlükəsizliyini təmin etmək üçün adanın ABŞ-ın bir hissəsinə çevrilməli olduğu barədə açıqlamaları Qrenlandiya əhalisini şoka salıb. Financial Times (FT) xəbər verir ki , sakinlər də ABŞ-a qoşulmağa qarşıdırlar.
Adanın paytaxtı Nuuk şəhərinin bir neçə sakininin nəşrə verdiyi məlumata görə, Qrenlandiyalılar “Trampın aqressiv tonundan şoka düşüblər”. “Bəzi insanlar qorxdu” deyib biri.
Qrenlandiyanın keçmiş baş naziri (2009-2013) Kuupik Kleist də Trampın açıqlamalarını tənqid edərək, qrenlandiyalıların “vətənlərinin daşınmaz əmlak müqaviləsi mövzusu kimi müzakirə edildiyinə görə özlərini təhqir olunmuş hiss etdiklərini” qeyd edib. “Siz sadəcə çıxıb bir ölkəni və ya insanlarını satın ala bilməzsiniz” deyib.
Eyni zamanda, FT qeyd edir ki, Qrenlandiya sakinləri Danimarka Krallığının tərkibində yerləşən muxtariyyətin suverenliyinin genişləndirilməsinin tərəfdarıdırlar. Adanın şərq hissəsində yaşayan Bolett Nielsen, “[İndi] Danimarka Qrenlandiyaya daha çox qulaq asmalı olacaq. Biz bunu çoxdan tələb edirik”. (Tass)