Düşünmürəm ki, ABŞ öz hərbiçilərinin Azərbaycana qarşı təxribatına icazə verər.
Ritorika.az xəbər verir ki, bu sözləri “Report” İnformasiya Agentliyinin direktoru Fuad Hüseynəliyev “ARB24” kanalının efirində yayımlanan “Gündəm” verilişində çıxışı zamanı deyib.
“Bu daha geniş beynəlxalq skandala gətirib çıxaracaq. Kəlbəcərdə olan son təxribatda görürük ki, bu, ABŞ-ın Ermənistana yeni verdiyi silahların yoxlanış yeri idi. Bu təxribat törədilmişdi ki, silahları yoxlasınlar”, – F. Hüseynəliyev bildirib.
Onun fikrinə görə, bütün bu proseslər Ermənistana pozitiv nəticələr gətirməyəcək:
“ABŞ-ın Ermənistana göndərdiyi iki hərbi təyyarə ilə Azərbaycanla Ermənistan ordusu arasında balans yaratmaq mümkün deyil”.
Qeyd edək ki, Fuad Hüseynəliyev Ermənistan Rusiya münasibətlərinə də toxunaraq, Rusiyanın təkbətək döyüşdə Ermənistanın Azərbaycan ordusuna qarşı heç bir şansı olmadığını anladığını, ona görə də Rusiyanın Ermənistana çoxlu yeni silahlar göndərmədiyini vurğulayıb.
