Gənc hüquqşünaslar üçün təşkil edilən “Lex Camp” – qış düşərgəsinin iştirakçıları Lənkəran şəhər Heydər Əliyev Mərkəzinə və Lənkəran Tarix-Diyarşünaslıq Muzeyinə ekskursiya ediblər.
AZƏRTAC-ın bölgə müxbiri xəbər verir ki, “Konstitusiya və Suverenlik İli” çərçivəsində təşkil edilən “Lex Camp” – qış düşərgəsi Azərbaycan Respublikası Ədliyyə Nazirliyi, ADA Universiteti, Almaniyanın Martin Lüter adına Halle Vittenberq Universitetinin təşkilatçılığı, Azərbaycan Respublikasının Gənclər Fondunun və Ədliyyə Könüllüləri İctimai Birliyinin dəstəyi ilə keçirilir.
Bakı və Lənkəran şəhərlərində yanvarın 18-dək gənc hüquqşünaslar üçün təşkil ediləcək “Lex Camp” – qış düşərgəsi “Mülkiyyət hüququ: Müdafiə və məsuliyyət aspektləri” mövzusuna həsr edilib.