Bakı Dövlət Universitetindən AZƏRTAC-a bildirilib ki, Tədqiqat, İnkişaf və İnnovasiyalar üzrə Mükəmməllik Mərkəzinin Nanoaraşdırmalar elmi-tədqiqat laboratoriyasının elmi işçisi Aynurə Kərimova, Almaniyanın Heydelberq Universitetinin Mannhaym Tibb Mərkəzinin əməkdaşları, professorlar Vüqar Yaqublu və Kristof Reissfelder, İtaliyanın Fraskati Milli Laboratoriyasının əməkdaşı, professor Stefano Belluçin məqalənin həmmüəllifləridir.
Məqalədə müxtəlif örtük materialları ilə funksionallaşdırılmış və üzərinə dərman maddəsi yüklənmiş dəmir-oksid nanohissəciklərinin quruluş xüsusiyyətləri, dərman yükləmə effektivliyi və xərçəng əleyhinə təsiri araşdırılıb.