Yeddilik Qrupu (G7) ölkələri İranın həm nüvə fəaliyyətləri, həm də Yaxın Şərq və Qırmızı dəniz regionunda siyasi təsiri ilə bağlı hərəkətlərini pisləməkdə davam edir. Bu barədə G7 xarici işlər nazirlərinin Münhendə keçirilən qeyri-rəsmi görüşünün yekunları üzrə dərc edilmiş və TASS-a daxil olan bəyanatda deyilir.
Sənəddə deyilir: “Böyük yeddilik üzvləri İranın sabitliyi pozan hərəkətlərini, o cümlədən mülki məqsədlər üçün istifadəsinə dair inandırıcı sübutlar olmadan uranın zənginləşdirilməsində sürətlə irəliləyişini, Yaxın Şərq və Qırmızı dənizdəki terror təşkilatlarına və silahlı qruplara dəstəyini birmənalı şəkildə pisləyiblər”.
G7 xarici işlər nazirləri Tehranı ballistik raketlər və pilotsuz uçuş aparatları proqramlarını inkişaf etdirməkdə və insan haqlarını pozmaqda qınayırlar.
