İranın Rusiyaya ballistik raketlər təhvil verməsi Yeddilik Qrupu (G7) ölkələrinin sürətli və koordinasiyalı cavabını tələb edəcək. Bu barədə G7 ölkələrinin xarici işlər orqanları rəhbərlərinin Kapri adasında keçirilən üç günlük görüşünün yekunu üzrə birgə yekun bəyanatında deyilir.
“Biz İranı Rusiyanın Ukraynadakı hərbi əməliyyatlarına dəstəyi dayandırmağa çağırırıq. İranın ballistik raketlər və ya əlaqəli texnologiyaların Rusiyaya ötürülməsi ilə bağlı istənilən addımı faktiki və əhəmiyyətli bir eskalasiya təşkil edəcək, bunun ardınca İrana qarşı yeni və sərt tədbirlər də daxil olmaqla, sürətli və əlaqələndirilmiş cavabımız olacaq ”, – sənəddə deyilir.
G7 ölkələri həmçinin KXDR-ni Pxenyanın Moskvaya iddia edilən silah tədarükünü dərhal dayandırmağa çağırıb. (Tass)
