Yeddilik Qrupu (G7) ölkələri BMT Təhlükəsizlik Şurasının qərarları ruhunda Suriyada inklüziv siyasi keçid prosesini dəstəkləyir. Bu barədə assosiasiyanın xarici işlər nazirlərinin Münhen Təhlükəsizlik Konfransı çərçivəsində baş tutan qeyri-rəsmi görüşünün yekunları üzrə qəbul edilmiş birgə bəyanatda deyilir.
“Yeddilik Qrupu 13 fevral 2025-ci ildə Fransa tərəfindən təşkil edilmiş Suriya üzrə beynəlxalq konfransın nəticələrini alqışlayır və Suriya xalqına sadiqliyini və BMT Təhlükəsizlik Şurasının 2254 saylı qətnaməsi ruhunda inklüziv siyasi keçid prosesini dəstəklədiyini bir daha təsdiqləyir”, – TASS-a daxil olan mətndə deyilir.
G7 xarici işlər nazirləri həmçinin Livanda son prezident seçkiləri, baş nazirin təyinatı və yeni hökumətin formalaşdırılması da daxil olmaqla, müsbət irəliləyişlər adlandırıblar. Sənəddə deyilir: “Böyük yeddilik ölkələri hər iki ölkənin sabitliyi, suverenliyi və ərazi bütövlüyünə sadiqliklərini təsdiqləyiblər”.
