NATO Gürcüstanı hərbi-siyasi blokun razılaşmasının qeyri-dəqiq tərcüməsi ilə aldatdı . TASS xəbər verir ki, bunu parlament çoxluğuna daxil olan Gürcüstanın “Xalqın Gücü” partiyası bildirib.
“Əsl nizamnamədə hər bir ölkənin hərbi yardımdan istifadə edib-etməmək barədə qərar verməsi ilə bağlı əsas müddəa tərcümədə itib”, – siyasi assosiasiyanın bəyanatında deyilir.
Tərcümənin gürcü dilindəki variantında deyilir ki, NATO üzvü hücuma məruz qalacağı təqdirdə bütün dövlətlər hərbi qarşıdurmaya qoşulmağa və müttəfiqi təcavüzdən qorumağa borcludurlar. Partiya yalana söykənən təbliğat aparmağın və Gürcüstan xalqını alyansa qoşulmağın təhlükəsizlik və əmin-amanlıq təmin etdiyinə inandırmağın nə üçün lazım olduğu ilə maraqlanıb.
Bundan əvvəl ABŞ-ın Tbilisidəki səfirliyi bildirib ki, xarici agentlər haqqında qanun Aİ və NATO- ya üzvlüyün əsasını təşkil edən demokratik dəyərlərlə bir araya sığmır və Gürcüstanın Avro-Atlantik inteqrasiya yoluna xələl gətirir.