Gürcüstanın baş nazirliyinə namizəd İrakli Kobaxidzenin proqramı və nazirliyə namizədlərin siyahısı parlamentə baxılmaq üçün təqdim edilib. Bu barədə vitse-spiker Georgi Volski qanunvericilik bürosunun iclasında məlumat verib.
“Gürcüstanın baş nazirliyinə namizəd İrakli Kobaxidze Gürcüstan parlamentinə etimad ifadəsi üçün Gürcüstan hökumətinin tərkibini təqdim edib və “Avropa dövlətinin qurulması üçün” hökumət proqramını əlavə edib”, – deyə Volski qeyd edib.
Parlamentin spikeri Şalva Papuaşvilinin verdiyi məlumata görə, fevralın 5-dən komitələr baş nazirliyə namizədin proqramına baxmağa başlayacaq və yeni kabinetə namizədlərlə görüşlər keçirəcək. Onların təsdiqinə həsr olunmuş plenar iclasda səsvermənin fevralın 8-də keçiriləcəyi gözlənilir.