Tbilisidə müxalifətin mitinqində çıxış edən Avropa İttifaqının səkkiz ölkəsinin deputatları ölkədə iğtişaşlara çağırıblar. Bunu Gürcüstan parlamentinin spikeri Şalva Papuaşvili deyib.
Ötən gecə müxalifətin oktyabrın 26-da keçirilən parlament seçkilərinin nəticələrinə qarşı keçirilən mitinqində Tbilisiyə gəlmiş Almaniya, Latviya, Litva, Polşa, Finlandiya, Fransa, İsveç və Estoniyadan olan deputatlar tribunaya çıxıblar. Bir neçə parlamentarilər, o cümlədən Bundestaqın Xarici Siyasət Komitəsinin sədri Maykl Rot dinləyicilər qarşısında çıxış etdilər. Deputatlar hakim “Gürcü Arzusu – Demokratik Gürcüstan” partiyasına qarşı etirazçıları dəstəklədiklərini bildiriblər və ölkənin Avropa İttifaqına inteqrasiyası uğrunda mübarizəni davam etdirməyə çağırıblar.
Papuaşvili özünün Facebook səhifəsində “Dünən biz yalanları, tabe olmaq istəyini və iğtişaşlara çağırışları və xüsusilə də çoxlu şəkildə gürcülərə məhəbbət kimi təqdim olunan Yəhudanın öpüşünü gördük” yazıb. (Tass)