Gürcüstan parlamentinin sədri Şalva Papuaşvili bildirib ki, o, deputatların Tbilisidəki “Vivamed” özəl klinikasında cəza çəkən eks-prezident Mixail Saakaşviliyə baş çəkməsinə icazə vermək niyyətində deyil.
“Parlamentin sədri digər deputatlara məhbusa baş çəkmək hüququ verə bilər. İcazəsiz bunu yalnız parlament sədri edə bilər. Mən (deputatlara Saakaşviliyə baş çəkmək hüququnu vermək fikrində deyiləm – TASS qeydi), çünki biz yaxşı nəticələr var – “sağalmaz xəstəliklərdən” əziyyət çəkən Mixail Saakaşvili sağalıb”, – Papuaşvili jurnalistlərə bildirib.
Gürcüstan parlamentinin reqlamentinə əsasən, parlament sədrinin sərəncamı ilə deputata ölkədə fəaliyyət göstərən istənilən cəzaçəkmə müəssisəsinə xüsusi icazə olmadan baş çəkmək imkanı verilə bilər.
Papuaşvili ilk dəfə 2022-ci ilin dekabrında Saakaşviliyə səfər etmək istəyən deputatlara qadağa qoyub. Çox vaxt Saakaşvilinin yaratdığı Vahid Milli Hərəkat partiyasının təmsilçiləri olan parlamentarilər Gürcüstan parlamentinin spikerindən qadağanı ləğv etməyi dəfələrlə xahiş ediblər.
(Tass)
