Gürcüstan prezidenti Salome Zurabişvili hesab edir ki, ölkə parlamenti konstitusiyada göstərildiyi kimi ərazi bütövlüyü bərpa olunana qədər ikipalatalı parlament kimi fəaliyyətə başlamalıdır.
“İnanıram və bu, prezident kimi yox, şəxsi fikrimdir ki, Gürcüstan [parlamentinə] ikinci palata lazımdır. Bu ikinci palata ərazi bütövlüyünün nə vaxt bərpa olunacağından asılı olmamalıdır. Biz yerləri boş qoya bilərik. Abxaziya və Sxinvali bölgəsinə (Cənubi Osetiya ) aiddir. Bu palatanın köməyi ilə biz lazım olanı – çox cüzi mövcud olan yerli kadrları bərpa etməyə başlamalıyıq”, – Zurabişvili yerli media ilə görüşdə deyib.
Gürcüstan Konstitusiyasına əsasən, bütün ölkə ərazisində Gürcüstanın yurisdiksiyasının tam bərpasından sonra parlament iki palatadan ibarət olacaq. Aşağı palata Respublika Şurası, yuxarı palata isə Senat adlanacaq. Respublika Şurası proporsional sistemlə seçilən deputatlardan, Senat isə Abxaziya, Acarıstan və digər ərazi vahidlərindən seçilən üzvlərdən, habelə prezident tərəfindən təyin olunan beş üzvdən ibarət olmalıdır. Ərazi bütövlüyü bərpa olunana qədər, konstitusiyaya görə, Gürcüstanda 150 deputatdan ibarət birpalatalı parlament fəaliyyət göstərir. (Tass)