Gürcüstan prezidenti Salome Zurabişvili Gürcüstan parlamentinin üçüncü oxunuşda qəbul etdiyi “Xarici təsirin şəffaflığı haqqında” qanuna veto qoyub.
“Bu gün mən “Rusiya” qanununa veto qoydum. Bu qanun öz mahiyyətinə və ruhuna görə rusdur. Bu, bizim konstitusiyamıza və bütün Avropa standartlarına ziddir və buna görə də bizim Avropa yolumuza maneədir”, – Zurabişvili respublika prezident administrasiyasının binasında keçirilən jurnalistlərlə görüşündə deyib.
O əlavə edib ki, Gürcüstan parlamentarilərinə dövlət başçısının qərarı barədə bu gün rəsmi məlumat veriləcək. Zurabişvili vetonu çox sadə adlandırıb, çünki “qanun heç bir dəyişikliyə məruz qalmır” və ləğv edilməlidir. (Tass)
