Gürcüstan prezidenti Salome Zurabişvili “Avropaya səs verin” yeni ictimai-siyasi hərəkatının təqdimatında iştirak edib. Tədbiri müxalif “Formula” telekanalı yayımlayıb.
“Parlament seçkilərinə çox az vaxt qalıb – 100 gündür ki, cəmiyyət öz sözünü desin. Bu, ölkənin taleyinin, ölkəmizin gələcəyinin seçimidir, bir tərəfdə gürcü cəmiyyəti, digər tərəfdən isə onu qəsb edən hökumətdir”- təqdimat mərasimində bildirib.
Yeni siyasi hərəkatın təqdimatında ekspert Xatuna Laqazidze, teatr rejissoru Levan Tsuladze, dirijor Nikoloz Raçveli, gürcü caz ifaçısı Nino Katamadze, ekspertlər Lela Cecelava, Giorgi Ruxadze və digər vətəndaşlar iştirak ediblər. Hərəkatın yaradıcılarından biri biznesmen, Gürcüstan Distribyutorlar Assosiasiyasının prezidenti İva Çkoniya idi.
Təqdimat mərasimində açıqlanan manifestin bəndlərindən biri də aksiyalarda iştirak edən gənclərə dəstəkdir. (Tass)