Gürcüstanın hüquq-mühafizə orqanlarının əməkdaşları oktyabrın 26-da parlament seçkiləri zamanı Marneuli bələdiyyəsindəki seçki məntəqəsində bülletenləri dolduran şəxsi saxlayıblar. Bunu Gürcüstan parlamentinin spikeri Şalva Papuaşvili deyib.
“Dünən ATƏT-in DTİHB missiyasının rəhbərinə qanun pozuntuları ilə bağlı sual verildikdə o, bir faktın adını çəkdi. Bundan əvvəl [müşahidəçilərin] hesabatında bir neçə fakt varmış kimi təqdim edildi. O, bir faktın adını çəkdi – Marneuli hadisəsi. Bu şəxs saxlanılıb və iş araşdırılır”, – Papuaşvili brifinqdə bildirib. (Tass)