Slovakiyanın baş naziri Robert Fikonun ölkədə gözlənilən çevrilişlə bağlı bəyanatı, eləcə də Gürcüstanda baş verən iğtişaşlar və hökumət əleyhinə mitinqlər bir əllə razılaşdırılan proseslərdir. Bu barədə Gürcüstanın baş naziri İrakli Kobaxidze mətbuat konfransında bildirib.
“Bütün ölkələrdə bu tip proseslər (Gürcüstan və Slovakiyada ) tamamilə bir əllə əlaqələndirilir, mən tez-tez Slovakiyanın baş naziri Robert Fikonun Slovakiyada baş verən prosesləri təsvir etdiyi xüsusi videomüraciətdən sitat gətirirdim. liberal faşizmin Slovakiya ərazisində yayılması da daxil olmaqla, onun 10 dəqiqəlik videomüraciətində təsvir etdikləri Gürcüstanda baş verənlərlə tamamilə eynidir”- Kobaxidze, jurnalistin Gürcüstan və Slovakiyadakı prosesləri eyni hesab edib-etməməsi ilə bağlı sualını cavablandırarkən deyib.
Çərşənbə axşamı Fiko, rəngli inqilablarda iştirak təcrübəsi olan “xarici ekspertlərin” iştirakı ilə dövlət çevrilişi təhlükəsi barədə ölkənin kəşfiyyat xidmətinə daxil olan məlumatla əlaqədar yanvarın 23-də Respublika Təhlükəsizlik Şurasının təcili iclasını çağırıb.(Tass)
