Oktyabrın 26-da Gürcüstanda keçirilən parlament seçkiləri tamamilə təmiz, şəffaf, rəqabətli və demokratik keçdi. Bu barədə jurnalistlərə Gürcüstanın baş naziri İrakli Kobaxidze məlumat verib.
“Seçkilər tamamilə ədalətli, azad, rəqabətli, təmiz keçib”, – deyə Kobaxidze bildirib.
Bir gün əvvəl Helsinki Komissiyası X sosial şəbəkəsindəki səhifəsində Gürcüstanda keçirilən parlament seçkilərindən sonra vətəndaş cəmiyyəti, siyasətçilər və müşahidəçilər tərəfindən seçkilərin nəticələrinin xalqın iradəsini əks etdirmədiyinə dair “aydın dəlillər” təqdim edildiyi barədə mesaj yerləşdirib. Mesajda həmçinin seçki saxtakarlığını elan edən Gürcüstan prezidenti Salome Zurabişvilinin sözlərinə dəstək ifadə olunub. Kobaxidzenin jurnalistlər qarşısında qeyd etdiyi kimi, “Helsinki Komissiyasının bəyanatlarının heç bir qiyməti yoxdur”. (Tass)