Gürcüstanın səkkiz müxalifət partiyası birgə bəyanat yayaraq 2025-ci ilin oktyabrında keçiriləcək yerli seçkilərdə iştirak etməyəcəklərini bildiriblər.Bu barədə “TV Pirveli” telekanalı məlumat yayıb.
“Biz qondarma yerli özünüidarə seçkilərində iştirakdan imtina edirik, çünki hazırkı reallıqda bu prosesdə iştirakın vətəndaşlarımızın maraqlarına xidmət etməyəcəyinə inanırıq”, – bəyanatda deyilir.
Gürcüstanın keçmiş prezidenti Mixail Saakaşvilinin təsis etdiyi müxalifət partiyası, Vahid Milli Hərəkat, o cümlədən Federalistlər, Azadlıq Meydanı, Avropa Gürcüstanı, Strategiya Aqmaşenebeli, Droa, Axali və Girçi siyasi birlikləri seçkilərdə iştirakdan imtina edir.
Bununla əlaqədar olaraq Droa lideri Elena Xoştariya iyunun 28-dən Tbilisidə parlament binası qarşısında keçirdiyi aclıq aksiyasını dayandırıb. (Tass)