Fələstinin radikal HƏMAS hərəkatı BMT Baş Assambleyasının Fələstin-İsrail münaqişəsi zonasında dərhal atəşkəs tələb edən qətnamənin qəbulunu alqışlayır. Bu barədə Qətətin “Əl-Cəzirə” telekanalı hərəkatın rəsmi nümayəndəsi İzzət əl-Rişqə istinadən məlumat yayıb.
Onun sözlərinə görə, Həmas beynəlxalq ictimaiyyəti İsraili BMT Baş Assambleyasının qətnaməsinə əməl etməyə məcbur etmək üçün ona təzyiq göstərməyə çağırır. Əl-Rişqin qeyd edib ki, İsrail “Fələstin xalqına qarşı təcavüzü, soyqırımı və etnik təmizləməni dayandırmalıdır”. (Tass)