Fələstinin Həmas hərəkatı cümə günü səhər Qəzza zolağında atəşkəs razılaşması ilə bağlı İsraillə bütün fikir ayrılıqlarının həll edildiyini açıqlayıb. Müvafiq bəyanat hərəkatın rəsmi Telegram kanalında dərc olunub.
Sənəddə deyilir: “Vasitəçilərin səyləri sayəsində bu səhər İsrailin atəşkəs razılaşmasına əməl etməməsi nəticəsində yaranan bütün maneələr aradan qaldırılıb”. HƏMAS əlavə edib ki, hərəkat tezliklə İsrail hakimiyyətinin razılaşmanın birinci mərhələsində azad edəcəyi fələstinli məhbusların siyahısını dərc edəcək.