Fələstinin radikal HƏMAS hərəkatı İsraillə razılaşma çərçivəsində azad etmək istədiyi fələstinli məhbusların sayı ilə bağlı tələblərini azaltmağa hazırdır. Bu barədə “The Wall Street Journal” Misir rəsmilərinə istinadən məlumat yayıb.
Bundan əvvəl hərəkat bütün qadın və uşaqların, eləcə də İsrail tərəfindən ömürlük həbs cəzasına məhkum edilmiş şəxslərin azadlığa buraxılmasını tələb edirdi. Hazırda danışıqlar çərçivəsində HƏMAS məhbusların sayını 3 min nəfərə endirməyə hazır olduğunu bildirsə də, terrorla bağlı işlərdə uzunmüddətli həbs cəzası çəkənlərin azadlığa buraxılmasını tələb edir.
Nəşrin qeyd edib ki, danışıqlarda əsas maneə atəşkəsin müddəti məsələsi olaraq qalır. Həmas altı həftəlik fasilənin başlamasından dərhal sonra daimi atəşkəs üçün danışıqlara başlamağı tələb edir. Misir rəsmiləri bildiriblər ki, HƏMAS atəşkəs dövründə girovların azad edilməsinin davam etdirilməsinin müharibəni dayandırmaq üçün danışıqlarda irəliləyişdən asılı olacağı bir plan tələb edib.
Bu arada Həmas daimi atəşkəs və İsrail qoşunlarının Qəzzadan tam çıxarılmasına dair razılaşma əldə olunana qədər kişi İsrail əsgərlərini girov saxlayacağını bildirib. İsrail hakimiyyəti bundan əvvəl sazişin yalnız humanitar aspektlərini müzakirə etməyə hazır olduqlarını bildirsə də, Misir rəsmilərinin sözlərinə görə, İsrail tərəfi HƏMAS ilə dolayı danışıqlara başlamaq üçün Qahirəyə texniki heyət göndərməyib. (Tass)