Fələstinin HƏMAS hərəkatı 25 ölkənin Qəzza zolağında dərhal atəşkəsin zəruriliyi ilə bağlı bəyanatını alqışlayaraq, sənədi imzalayanları onun müddəalarını həyata keçirməyə çağırıb. Müvafiq bəyanat hərəkatın rəsmi Telegram kanalında dərc olunub.
“Həmas Böyük Britaniya hökuməti tərəfindən qəbul edilən və 25 ölkənin nümayəndələri tərəfindən imzalanan, Qəzzada müharibənin dərhal dayandırılmasını və humanitar yardımın oraya çatdırılmasına icazə verilməsini tələb edən birgə bəyanatı alqışlayır. Biz bu sənədi imzalayan bütün ölkələri onun müddəalarının praktiki icrasına doğru irəliləməyə və İsrailin Qəzzada etdiyi hər şeyə son qoymağa çağırırıq”, – bəyanatda deyilir. HƏMAS yuxarıda adı çəkilən ölkələrin İsrail rəhbərliyinə zolağında döyüşləri dayandırmaq üçün “birbaşa və nəzərəçarpacaq təzyiq” göstərəcəyini gözləyir.