Radikal HƏMAS hərəkatının hərbi qanadı olan İzzəddin əl-Qəssam Briqadalarının fələstinli yaraqlıları Qəzza zolağının şərqində və cənubunda İsrailin mexanikləşdirilmiş patrullarının marşrutu boyunca bir neçə pusqu təşkil ediblər. Bu barədə qurumun Telegram kanalında yayılan bəyanatında deyilir.
“Aparılan əməliyyatlar nəticəsində düşmənin 26 hərbi maşını yararsız hala salınıb”, mətndə deyilir: “İşğalçı qüvvələr ən azı 15 əsgərini şəhid edib və yaralayıb”.
Açıqlamada İsrailin 5 zirehli transportyorunun Hay əl-Tuffah bölgəsindəki Əl-Xəlil bazasına qayıdarkən minalanmış sahəyə düşdüyü bildirilib. Əl-Bureyc qaçqın düşərgəsində bir neçə hərbi texnikanın dayandırıldığı ev partladılıb. Daha sonra HƏMAS silahlıları pusqudan İsrail əsgərlərinə atəş açıblar. Cəbəl əl-Reis və Əl-Qararda İsrail hərbi kolonnalarının marşrutu boyunca yeraltı tunellər partladılıb.
“Əl-Bureyc düşərgəsinin şimalında müqavimət döyüşçüləri Yasin 105 idarə olunan raketi ilə İsrailin Merkava tankını vurdular”, mətndə qeyd edilir: “Xan Yunisdə düşmən hərbi texnikasının cəmləşməsinə qarşı “Bədr 1” yüksək dəqiqlikli raketdən istifadə edilib. ” (Tass)
