Ukraynada hərbi vəziyyətin və ümumi səfərbərliyin mayın 14-dən 90 gün uzadılmasını nəzərdə tutan qanun layihələri Ali Radaya təqdim edilib. Bunu Ukrayna parlamentinin saytındakı məlumatlar sübut edib.
Sənədləri ölkə prezidenti Vladimir Zelenski təqdim edib. Layihələrin mətnindən məlum olub ki, hərbi vəziyyətin qüvvədə olma müddətinin mayın 14-də Bakı vaxtı ilə saat 06:30-dan etibarən 90 gün müddətinə uzadılması təklif edilir. Ümumi səfərbərlik də mayın 14-dən analoji müddətə uzadılacaq.
Ukraynada hərbi vəziyyət və ümumi səfərbərlik 24 fevral 2022-ci ildə tətbiq edilib və o vaxtdan bəri bir neçə dəfə uzadılıb. Ali Rada sonuncu dəfə bu rejimləri fevralın 6-da üç ay – mayın 13-dək uzadıb. (Tass)