Haniyə, Livanın paytaxtı Beyrutda Aksa TV-də yayımlanan çıxışında Həmas, ofisinə edilən hücumda Aruri və HƏMAS-ın silahlı qanadı İzzəddin əl-Qəssam komandirləri Semir Fendi, Əzzam əl-Əkra, həmçinin Həmas üzvləri Mahmud Şahin, Məhəmməd Beşaşe, Məhəmməd er-Reis və Əhməd Hammudun həyatını itirdiyini bildirib.
Haniye, “Arurinin Livan ərazisində öldürülməsi sırf terror aktıdır və Livanın suverenliyinin pozulmasıdır. “Bu, xalqımıza və torpaqlarımıza qarşı hücumların əhatə dairəsinin genişləndirilməsidir” deyib.
Hücumların HƏMAS-ın gücünü artırdığını bildirən Haniyə, “Aruri və Həmas liderləri və işçilərinin öldürülməsinin nəticələrinə görə məsuliyyət işğalçı sionist (İsrail) üzərinə düşür. Xalqımızın müqavimətini və əzmini qırmağa heç vaxt müvəffəq olmayacaqlar”-deyə vurğulayıb.
İsrailin Beyrutun Hizbullahın qalası adlandırılan “Dahiye” bölgəsində Həmas ofisinə pilotsuz təyyarə ilə hücumu zamanı Aruri və onunla birlikdə olan 6 nəfər həlak olub.
İsrail hücuma görə məsuliyyəti üzərinə götürməsə də, İsraildə hakim Likud Partiyasının üzvü, İsrail parlamentinin üzvü Denni Danon İsrail qüvvələrini hücuma görə təbrik edib. (TRT Haber)
