HƏMAS bu açıqlamanı Qəzzanın şimalındakı digər şəhərlərdə təxminən 13 uşağın qidalanma və aclıqdan öldüyü açıqlandıqdan sonra verib.
Qeyd edilib ki, bu, “BMT və beynəlxalq ictimaiyyətin uşaqları aclıqdan qorumaq vəzifəsində uğursuzluq bəyannaməsidir”.
“Bu, bəşəriyyət üçün rüsvayçılıqdır və müasir dövrdə yaradılmış təhlükəli presedentdir”. Bəyanatda, BMT və beynəlxalq yardım təşkilatlarından Qəzzada, xüsusən də şimaldakı mülki vətəndaşları və uşaqları xilas etmək üçün təcili tədbirlər görməyə çağırılıb.
Açıqlamada humanitar dəyərlərə və beynəlxalq hüquqa məhəl qoymadan Fələstin xalqına qarşı soyqrım və etnik təmizləmə tətbiq edən İsrailin göstərişlərinə boyun əyməməyə çağırılıb və yardım təşkilatlarından fəlakətin qarşısını almaq üçün ərzaq və tibbi xidmət göstərmələri istənilib.Onlardan yardımlarını ən qısa zamanda Qəzzaya çatdırmaları istənilib.
Qəzza Səhiyyə Nazirliyi, bu gün verdiyi açıqlamada Kemal Advan Xəstəxanasında aclıq və susuzluqdan ölən uşaqların sayının 13-ə yüksəldiyini, daha 4 uşağın aclıq və susuzluqdan öldüyünü deyib. (TRT Haber)