Fələstinin HƏMAS hərəkatının tərəfdarları hesab edirlər ki, Qəzza zolağında atəşkəs sazişinin bağlanmasına mane olan ABŞ administrasiyasıdır. Bu fikri hərəkatın Siyasi Bürosunun üzvü Hussam Badran bildirib.
Rəsmi Həmas Telegram kanalı onun sözlərini sitat gətirir: “ABŞ administrasiyası razılaşmanın hələ bağlanmamasına görə əsas məsuliyyət daşıyır”. Badran əlavə edib ki, onun fikrincə, ABŞ-ı hazırkı atəşkəs danışıqlarında vasitəçi adlandırmaq düzgün deyil, çünki Birləşmiş Ştatlar “İsrailin hərbi və siyasi sahədə əsas müttəfiqidir”.
Martın 18-də davam edən danışıqlar Dohada aparılır. Bunu Qətər Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari də təsdiqləyib və əlavə edib ki, İsrail və HƏMAS arasında danışıqlarda irəliləyiş olmasa da, iştirakçılar məsləhətləşmələrin mümkün perspektivləri ilə bağlı ehtiyatlı nikbindirlər. Bazar günü Agence France-Presse xəbər verib ki, İsrail kəşfiyyat xidməti Mossad-ın direktoru Devid Barnea və ABŞ Mərkəzi Kəşfiyyat İdarəsinin (MKİ) rəhbəri Uilyam Börns Dohada növbəti məsləhətləşmələr keçirdikdən sonra onu tərk ediblər.
(Tass)
