Fələstinin HƏMAS radikal hərəkatının tərəfdarları Beynəlxalq Cinayət Məhkəməsinin (ICC) prokuroru Kərim Xanı İsrail və Fələstinə səfəri zamanı Qəzza zolağına getmədiyinə görə qınayıblar. Bu barədə hərəkatın Telegram kanalında dərc olunmuş bəyanatında deyilir.
“Beynəlxalq Cinayət Məhkəməsinin prokuroru Kərim Xanın İsrailə səfəri və onun Qəzza zolağına getmədən və qarşı tərəfi dinləməkdən narahat olmadan 7 oktyabr hadisələri ilə bağlı hökm çıxarması ədalətin əsas prinsiplərinə ziddir. Kərim Xanın bəyanatlarını və onun İsrailin yalan və aldadıcı versiyaları lehinə qərəzli mövqeyini qınayırıq”, – hərəkat vurğulayıb. (Tass)