İzzəddin əl-Qəssam Briqadaları (Fələstin HƏMAS hərəkatının döyüşçü qanadı) Qəzza zolağının cənubundakı Rəfah şəhəri yaxınlığında beş İsrail əsgərinin radikal hücumun qurbanı olduğunu iddia edib. Radikalların bəyanatı qrupun Telegram kanalında yerləşdirilib.
İddia edir ki, İzzəddin əl-Qəssam Briqadalarından bir bölmə “bir qrup [İsrail] əsgərini piyada əleyhinə minalardan istifadə edərək partladıb”. Bu hücum nəticəsində, bəyanatda deyildiyi kimi, “5 hərbçinin ölümü təsdiqlənib, daha bir neçə hərbçi yaralanıb”. Qeyd olunur ki, HƏMAS tərəfdarları bu aksiyanı Qəzza zolağının cənubunda, Rəfah şəhərinin şərq kənarında yerləşən Ət-Tabiyin məscidinin yaxınlığında həyata keçirib.
Bir müddət əvvəl İzzəddin əl-Qəssam Briqadaları qruplaşması Rəfah şəhəri yaxınlığında tərəfdarlarının hücumu nəticəsində 15 İsrail əsgərinin öldürüldüyünü açıqlamışdı. Qrupun hesabatında deyilir ki, Fələstinli radikallar Rəfah yaxınlığındakı Tanur bölgəsində “çox sayda [İsrail] əsgərinin barrikadaya alındığı evi partladıblar” və sonra “düşmən əsgərləri ilə sıx döyüşə giriblər”.
Bu epizodlarla bağlı İsrail ordusundan heç bir rəsmi şərh verilməyib. (Tass)