Fələstinin Həmas hərəkatı Qəzza zolağında atəşkəslə bağlı İsraillə dolayı danışıqlara qayıtmağa hazır olduğunu açıqlayıb. Müvafiq bəyanat radikalların Telegram-kanalında dərc olunub.
“Biz mübahisəli məsələlərdə konsensusa nail olmaq üçün Qəzzə ilə bağlı dolayı danışıqlara dərhal qayıtmağa hazır olduğumuzu təsdiq edirik”, – bəyanatda deyilir. Eyni zamanda, Həmas əlavə edib ki, o, “anklavda daimi atəşkəsin təmin edilməsini və İsrail qoşunlarının oradan tamamilə çıxarılmasını” məcburi şərt hesab edir.
Bazar günü səhər saatlarında Misir və Qətər birgə bəyanat yayaraq Qəzza zolağında 60 günlük atəşkəs razılaşmasının tezliklə əldə ediləcəyinə ümid etdiyini bildiriblər. Qahirə və Doha həmçinin vurğuladılar ki, onlar ABŞ prezidentinin elçisi Steven Witkoffun son təklifinə əsaslanacaq razılaşma əldə etmək üçün tərəflər arasında “mövcud mübahisəli məsələləri həll etməyə çalışırlar”. (Tass)