HƏMAS BMT və onun Yaxın Şərq Fələstinli Qaçqınlara Yardım və İşlər üzrə Agentliyini (UNRWA) İsrailin fələstinliləri Qəzzadan çıxarmağa məcbur etmək cəhdlərinə qarşı tədbir görməyə çağırıb. Müvafiq bəyanat hərəkatın Telegram kanalında yerləşdirilib.
“Biz BMT və UNRWA-nı məsuliyyəti öz üzərinə götürməyə və [İsrailin] [Fələstinliləri] zorla köçürmək üçün sistematik cəhdlərinə müqavimət göstərməyə çağırırıq”, mətndə deyilir.
Həmas həmçinin UNRWA-nı Fələstin xalqı qarşısında öhdəliklərini yerinə yetirməyə və “onların evlərində qalmaq hüququnu müdafiə etməyə” çağırıb. “Bu xalq qurbanlara baxmayaraq öz torpaqlarında qalmağa qərar verdi”, – bəyanatda vurğulanır.
BMT baş katibinin nümayəndəsi Stefan Düjarrik daha əvvəl bildirib ki, İsrail hakimiyyəti dünya təşkilatına 1,1 milyon fələstinlinin 24 saat ərzində Qəzza zolağının cənubuna təxliyyə edilməli olduğunu bildirib. Düjarrik qeyd edib ki, bu tələb “bütün BMT əməkdaşlarına, eləcə də BMT təsisatlarına, o cümlədən məktəblərə, sağlamlıq mərkəzlərinə və klinikalara sığınmış şəxslərə” aiddir. Tezliklə İsrail Müdafiə Qüvvələrinin mətbuat xidmətinin rəsmi Telegram kanalında Qəzza zolağının sakinlərini cənuba təxliyə etmək çağırışı dərc olunub. (Tass)