Avropa ölkəsi – İrlandiya, İspaniya və Norveç tərəfindən Fələstinin müstəqil dövlət kimi tanınması Fələstin məsələsində beynəlxalq mövqe baxımından “dönüş nöqtəsi” olacaq. Bu fikri Fələstinin radikal HƏMAS hərəkatının Siyasi Bürosunun üzvü Bassem Naim deyib.
“Biz bunu Fələstin məsələsində beynəlxalq mövqedə dönüş nöqtəsi hesab edirik”, – o, France-Press agentliyinə deyib. Onun sözlərinə görə, bu Avropa ölkələrini belə bir qərara vadar edən fələstinlilərin “cəsarətli müqaviməti” və onların “tarixi mətanəti” olub.
Çərşənbə günü səhər saatlarında İrlandiya, İspaniya və Norveç hökumətləri Fələstini müstəqil dövlət kimi tanımaq qərarını elan ediblər. (Tass)